საგანგებო სიტუაციების მართვის სამსახური ნიკოლოზ ფალიანის დაღუპვასთან დაკავშირებით განცხადებას ავრცელებს
22 მაისი 2025, 16:12 193 ნახვასაგანგებო სიტუაციების მართვის სამსახური ნიკოლოზ ფალიანის დაღუპვასთან დაკავშირებით განცხადებას ავრცელებს.
როგორც განცხადებაშია აღნიშნული, შეტყობინების შესვლიდან უმოკლეს დროში განხორციელდა ძებნა-შველის ღონისძიებები.
"საგანგებო სიტუაციების მართვის სააგენტოში შემოსული ინფორმაციის საფუძველზე, სვანეთში, უშბის მთაზე ქვეითად გადაადგილდებოდა 4 პიროვნება, რომელთაგან ერთ-ერთი მათგანი გადავარდა სიმაღლიდან.
უწყების ცნობით, უმოკლეს დროში, მეხანძრე-მაშველების მიერ მოხდა ძებნა-შველის ღონისძიების დაგეგმვა და თბილისიდან გაფრინდა სასაზღვრო პოლიციის ვერტმფრენი, საგანგებო სიტუაციების მართვის სამსახურის განსაკუთრებულ სიტუაციებზე რეაგირების ჯგუფთან ერთად.
მეხანძრე-მაშველების მიერ, 3600 მეტრის სიმაღლეზე, სამაშველო ღონისძიების ფარგლებში მოხდა 3 პიროვნების უვნებლად აყვანა ვერტმფრენში და გარდაცვლილი პიროვნების ცხედრის ნახვა.
გარდაცვლილი მამაკაცის ცხედარი ჩასვენებულია მესტიაში"- აღნიშნულია განცხადებაში.
ამავე კატეგორიაში
#უსმინეთ!
დიდი შესვენება
პოპულარული
ამინდი
მაუწყებლობა