თავდაცვის სამინისტროში და თავდაცვის ძალების სამხედრო ბაზებზე სახელმწიფო დროშები დაეშვა
08 აგვისტო 2025, 08:46 63 ნახვა
2008 წლის აგვისტოს ომის მეჩვიდმეტე წლისთავთან დაკავშირებით, საქართველოს თავდაცვის სამინისტროში და თავდაცვის ძალების სამხედრო ბაზებზე სახელმწიფო დროშები დაეშვა.
2008 წლის აგვისტოს საომარი მოქმედებების დროს დაღუპულთა ხსოვნის პატივსაცემად, სახელმწიფო დროშები დაშვებულია შსს-ს ადმინისტრაციულ შენობებზეც.
17 წლის წინ, 2008 წლის აგვისტოში, რუსეთ-საქართველოს ომის დროს შინაგან საქმეთა სამინისტროს 19 თანამშრომელი დაიღუპა.
საქართველოს მთავრობის განკარგულების მიხედვით, საქართველოს აფხაზეთისა და ცხინვალის რეგიონების უკანონო ოკუპაციის მიზნით რუსეთის ფედერაციის მიერ საქართველოში განხორციელებული ფართომასშტაბიანი სამხედრო ინტერვენციის შედეგად დაღუპულთა ხსოვნის პატივის მიგების ნიშნად, სახელმწიფო დროშები დაშვებულია თავდაცვის უწყების ადმინისტრაციულ შენობებსა და საქართველოს მასშტაბით მდებარე ყველა სამხედრო ბაზაზე.
ამავე კატეგორიაში
#უსმინეთ!
დილის ტალღა
პოპულარული
ამინდი
ფოტო
მაღალი ტემპერატურის ფონზე, საქართველოში 11 აგვისტომდე მოსალოდნელია წვიმა ელჭექით, დასავლეთის მიმართულების ძლიერი ქარი და სეტყვა
გადასვლა პოსტზე 
მაუწყებლობა