100 წელი ქუთაისის ცენტრალური არქივის დაარსებიდან
16 სექტემბერი 2025, 11:15 85 ნახვაქუთაისის ცენტრალურ არქივს 100 წელი შეუსრულდა. საიუბილეო თარიღთან დაკავშირებით, მოეწყო გამოფენა და გამოიცა წიგნი, რომელიც ქუთაისის ცენტრალურ არქივში დაცულ საარქივო მასალას მოიცავს.
1925 წელს დაარსებულ არქივში დაცულია XVII-XXI საუკუნეების დოკუმენტები, რომლებიც დასავლეთ საქართველოს ტერიტორიაზე მოქმედი ორგანიზაციების საქმიანობასა და იქ მოღვაწე გამოჩენილი ადამიანების ცხოვრებასა და მოღვაწეობას ასახავს.
არქივის ფონდებში დაცულია იმერეთის მეფეების გაცემული ისტორიული საბუთები, ქუთათელ-გაენათელი მიტროპოლიტების წყალობის წიგნები, მოსახლეობის აღწერის მასალები; ილია ჭავჭავაძის, აკაკი წერეთლის, კონსტანტინე გამსახურდიას, გრიგოლ რობაქიძის, გალაკტიონ ტაბიძის, გაბრიელ ქიქოძისა და სხვათა ავტოგრაფები. ასევე ქუთაისის, ბათუმის, ფოთის – გეგმები, სხვადასხვა ისტორიული შენობის პროექტები.
საიუბილეო ღონისძიებას, რომელიც არქივის შენობაში მოეწყო, საქართველოს იუსტიციის მინისტრი პაატა სალია ესწრებოდა.
ამავე კატეგორიაში
#უსმინეთ!
დილის ტალღა
პოპულარული
ამინდი
ფოტო
18-20 სექტემბერს საქართველოში მოსალოდნელია წვიმა, სეტყვა, ზღვაზე შტორმი - გარემო
გადასვლა პოსტზე
მაუწყებლობა