ბათუმის საკრებულოს სხდომა

29 აგვისტო 2025, 15:04 190 ნახვა

ბათუმის საკრებულოს სხდომაზე ერთსაათიანი შესვენება მას შემდეგ გამოცხადდა, როცა ერთადერთმა ოპოზიციონერმა დეპუტატმა მამუკა ქობულაძემ სხდომათა დარბაზი დატოვა და ქვორუმი ვერ შედგა. სხდომა მას შემდეგ განახლდა, რაც ქართული ოცნების წევრი ლევან ბერიძე სხდომათა დარბაზში მივიდა.

სხდომაზე გაკეთდა პოლიტიკური განცხადებები, ოპოზიციის პრეტენზიები ბათუმში არსებულ ინფრასტრუქტურულ და მიმდინარე პოლიტიკურ საკითხებს ეხებოდა, რომელზეც პოლიტიკური არგუმენტები ჰქონდა ''ქართულ ოცნებას''.

სხდომაზე დეპუტატებმა 9 საკითხი განიხილეს, მათ შორის რკინიგზის სადგურის - ბათუმი ცენტრალის გაფართოების, ქუჩების სახელწოდებების გადარქმევისა და ქონებების გადაცემის მიმართულებით.

დღევანდელ სხდომაზე საკრებულოს წევრებმა ოთო ქათამაძის ხსოვნას წუთიერი დუმილით პატივი მიაგეს.

ჯენი კვანტალიანი

ჟურნალისტი