დაპირისპირება რვა ოპოზიციურ პარტიაში

29 აგვისტო 2025, 17:43 99 ნახვა

„ნაციონალური მოძრაობის“ თავმჯდომარე თინა ბოკუჩავას უნდა, პარტია „ფედერალისტებს“ დაატოვებინონ ე.წ. რვიანის ფორმატი.

თუმცა, როგორც აღმოჩნდა, ამის მომხრე ამ ეტაპზე მხოლოდ თავად იდეის ავტორები არიან. ორ პარტიას შორის დაპირისპირების კერა თამარ ჩერგოლეიშვილის ფეისბუქ პოსტის შემდეგ გაჩნდა, სადაც "ფედერალისტების" ლიდერი, მის მიმართ შეურაცხმყოფელი კომენტარების ავტორებს მათივე "ფეისბუქის" პროფილიდან აღებული ბავშვების ფოტოების გამოყენებით წყევლითა და უხამსი ლექსიკით პასუხობს.

მიუხედავად იმისა, რომ ჩერგოლეიშვილმა საჯაროდ ბოდიში მოიხადა, ასევე ბოდიში მოიხადა ფედერალისტების კიდევ ერთმა ლიდერმაც გიგა ბოკერიამაც, დაპირისპირება სოციალური ქსელის საშუალებით ისევ გრძელდება.

ე.წ. „რვიანის“ რიგებში შემავალი სხვა პარტიებს მიაჩნიათ, რომ 4 ოქტომბრის არჩევნების ბოიკოტის გარშემო გაერთიანებული პარტიების ერთობა არ უნდა დაიშალოს.

აჭარის საზოგადოებრივი მაუწყებელი

ადმინისტრატორი