აშშ-ში საპროტესტო ტალღა ლოს-ანჯელესის ფარგლებს გასცდა

10 ივნისი 2025, 10:01 149 ნახვა

ლოს-ანჯელესში დონალდ ტრამპის ადმინისტრაციის აგრესიული საიმიგრაციო პოლიტიკის წინააღმდეგ გამოსულმა მომიტინგეებმა ფეიერვერკები ააფეთქეს და ქალაქის ერთ-ერთი უბნის ქუჩები დაიკავეს. დაძაბულობა მას შემდეგ გაიზარდა, რაც აშშ-ის პრეზიდენტმა დონალდ ტრამპმა შაბათს ლოს-ანჯელესში გამართული ქუჩის საპროტესტო აქციების საპასუხოდ ეროვნული გვარდია აამოქმედა.

ორშაბათს, ტრამპის ადმინისტრაციამ ლოს-ანჯელესში 700 აშშ-ის საზღვაო ქვეითი ჯარისკაცის განლაგება და ეჭვმიტანილ არალეგალურ იმიგრანტებზე რეიდების გაძლიერების ბრძანება გასცა, რამაც ქუჩის მომიტინგეების მხრიდან კიდევ უფრო მეტი აღშფოთება გამოიწვია.

ლოს-ანჯელესში მიმდინარე საპროტესტო აქციებს აშშ-ის სხვა ქალაქებიც შეუერთდნენ.

აქციები გაიმართა სან-ფრანცისკოში, ნიუ-იორკში, ატლანტაში, ლუისვილსა და დალასშიც.

გუგული ბერიძე

ჟურნალისტი