უკრაინის პრეზიდენტმა განაცხადა, რომ მისი ქვეყანა აშშ-სთან „ტექნიკურ დონეზე მოლაპარაკებებს“ აწარმოებს თავდაცვის დახმარების, კერძოდ, საჰაერო თავდაცვის სისტემების მიწოდებასთან დაკავშირებით.

ვაშინგტონის მიერ უკრაინაში კრიტიკულად მნიშვნელოვანი იარაღის მიწოდების შეჩერების გადაწყვეტილებამ კიევის  შეშფოთება გამოიწვია, რადგან ეს ნაბიჯი შეასუსტებს მის შესაძლებლობას, მოიგერიოს რუსეთის  საჰაერო დარტყმები და წინსვლას მიაღწიოს ბრძოლის ველზე. უკრაინამ განაცხადა, რომ მან კიევში აშშ-ის მოვალეობის შემსრულებელი ელჩი დაიბარა, რათა ხაზი გაესვა ვაშინგტონის მხრიდან სამხედრო დახმარების გაგრძელების მნიშვნელობას და გააფრთხილა, რომ შეიარაღების მიწოდების ნებისმიერი შეწყვეტა  უკრაინასთან ომში რუსეთს გააძლიერებდა.

პენტაგონის გადაწყვეტილება, რომელიც დაკავშირებულია აშშ-ის სამხედრო მარაგების შემცირების გამო გამოწვეულ შეშფოთებასთან, მოიცავს 30 პატრიოტის საჰაერო თავდაცვის რაკეტას, რომლებსაც უკრაინა სწრაფად მოძრავი ბალისტიკური რაკეტების გასანადგურებლად იყენებს.

უკრაინის თავდაცვის სამინისტროს განცხადებით, მას ოფიციალურად არ ეცნობა სამხედრო დახმარების  შეჩერების შესახებ და ამერიკელი კოლეგებისგან განმარტებებს ითხოვს.