ეკვადორში საგანგებო მდგომარეობა გამოცხადდა

17 სექტემბერი 2025, 09:19 119 ნახვა

ეკვადორის პოლიციამ კიტოში ცრემლსადენი გაზი გამოიყენა საპროტესტო აქციის დასაშლელად, რომელზეც მთავრობის მიერ დიზელის საწვავზე სუბსიდიების გაუქმებას აპროტესტებდნენ.

შეტაკებები მას შემდეგ დაიწყო, რაც დემონსტრანტებმა სპეცრაზმს უხეში საგნები ესროლეს. კიტოს გარეუბანში დემონსტრანტებმა გზატკეცილები ბარიკადებით გადაკეტეს. პოლიცია და სამხედრო ძალები იძულებული გახდნენ დაბლოკილი გზები ბულდოზერებით გაეწმინდათ.

მასობრივი პროტესტი მოჰყვა მთავრობის გადაწყვეტილებას გააუქმოს 1.1 მილიარდი დოლარის დიზელის საწვავის სუბსიდირება, რომელიც მძიმე ტექნიკას, სამგზავრო ტრანსპორტსა და სოფლის მეურნეობის სექტორებს ეკუთვნოდათ. სუბსიდიის გაუქმებით დიზელის ფასი გაორმაგდა, რამაც მომიტინგეების პროტესტი გამოიწვია, რომლებიც ამტკიცებენ, რომ ეს ზომა ცხოვრების ხარჯებს გაზრდის.

პრეზიდენტმა დანიელ ნობოამ სამშაბათს შვიდ პროვინციაში საგანგებო მდგომარეობა გამოაცხადა.

გუგული ბერიძე

ჟურნალისტი